ਬਿਸ਼ਨ ਸਿੰਘ ਉਪਾਸ਼ਕ
ਬਿਸ਼ਨ ਸਿੰਘ ਉਪਾਸ਼ਕ ਦਾ ਜਨਮ (੨੬ ਮਈ, ੧੯੧੯-੧ ਨਵੰਬਰ, ੧੯੬੮) ਨੂੰ ਲਾਂਬੜਾ,
ਹੁਸ਼ਿਆਰਪੁਰ ਵਿਚ ਹੋਇਆ । ਉਨ੍ਹਾਂ ਦੇ ਪਿਤਾ ਦਾ ਨਾਂ ਮਿਸਤਰੀ ਰਲਾ ਸਿੰਘ ਸੀ ਅਤੇ ਮਾਤਾ
ਦਾ ਨਾਂ ਆਤੀ ਸੀ । ਘਰ ਦੀ ਆਰਥਿਕ ਤੰਗੀ ਕਾਰਨ ਉਹ ਸਕੂਲੀ ਪੜ੍ਹਾਈ ਨਹੀਂ ਕਰ ਸਕੇ ।
ਉਹ ਕਵੀ, ਕਹਾਣੀਕਾਰ, ਨਾਵਲਕਾਰ ਅਤੇ ਅਨੁਵਾਦਕ ਦੇ ਨਾਲ ਨਾਲ ਸੰਪਾਦਕ ਵੀ ਰਹੇ ।
ਇੱਕ ਸੜਕ ਦੁਰਘਟਨਾ ਵਿੱਚ ਉਨ੍ਹਾਂ ਦੇ ਸਾਈਕਲ ਦੀ ਟੱਕਰ ਕਾਰ ਨਾਲ ਹੋਣ ਕਾਰਨ ਦਿਮਾਗ਼
ਦੀ ਨੱਸ ਫੱਟਣ ਕਰਕੇ ਉਨ੍ਹਾਂ ਦੀ ਮੌਤ ਹੋ ਗਈ । ਉਨ੍ਹਾਂ ਦੀਆਂ ਕਾਵਿ ਰਚਨਾਵਾਂ ਹਨ: ਉਪਾਸ਼ਨਾ ,
ਖੂਨੀ ਦੀਵਾਰ, ਮਹੱਲ ਤੇ ਝੁੱਗੀਆਂ, ਸੂਹਾ ਸਾਲੂ, ਧਰਤੀ ਦੀ ਅੱਗ, ਮਜੀਠੀ ਚੋਲਾ, ਜਾਮ ਸੁਰਾਹੀਆਂ,
ਸਰਦਲ, ਬਸੰਤ ਬਹਾਰ, ਰਤਨਦੀਪ, ਮਹਿਫ਼ਲ ਆਦਿ ।
